So schaut unser Repertoire aus:

mia san d`Vusibrugg Musi aus dem kloana Vilstal – a gmiatliche, aba gleichzeitig recht schwungvolle Musigruppn mit boarischer Danzlmusi und lockara Unterhaltung für Feste aller Art. Wir san sozusagn a boarische Covermusi mit Liadl von de Hallgrafen Musikanten, da Schladl Musi, da Bradlberg Musi, vo de Bradlfettn, vo 6er Gsponn, da Bosstrompetn Musi und no einigen anderer, echt guadn Tanzlmusi-Gruppn

Bei diesen Gelegenheiten fühlen wir uns besonders wohl:

Mid vui Freid an hand- bzw. mundgmachda Musi, spuin wir siem Musigga a flotte und schmissige Danzlmusi. De besticht durch sei Leichtigkeit, de eigangigen Melodien und ganz vui Energie, de a jeds danzfreidige boa Fiass in Bewegung bringd und zum Midklatschn, Midschunggln oder hoid a zum Danzen animierd. Bei Sommafesta, im gmiadlichn Biergardn, zu Fria- und Dämmer-schoppen, bei Hochzeidn und, wenns sei soi a bei Scheidungfeian, an drundn Geburtsdogn oda fia andane goar pimperlwichtige Veranstaltungan und festlichn Feian, oda einfach nua wo mir mid unsana Musi de Leid a Freid macha kenna, do spuin wir sackrisch gern auf.

Was wir unserem Publikum schon immer über uns mitteilen wollten:

Seit ca. 15 Johr, spuin da Berni A., da Jürgen N. und i, da Markus H., scho immer wieder moi zam mit Ziach, Gitarre und Bariton. Ned reglmäßig sondan nur hin und wieda, so a richtige hi und do Musi hoid. Aufgrund vo da Hochzeit vo seim Buam, hod da Berni nach über 20 Johr sei Klarinettn wieder moi ausbackt und mia ham a gloane Blosmusik mid no a bor Freind organisiert, für an Hochzeitszug mit Musi. I mit da gloana Trommel, übrings a über 30 Johr ned oglangt, da Jürgen N. midm Bariton, da Berni mid da Klarinettn und no drei andane Bläser. Von do o war i wieda midm Musispuin ogfixt, und es is ja a scho wieda a Hochzeit ogstand´n, de vo meina Tochter. Und do hods dan für mehra als nur füan Hochzeitszug glanga soin, vo de Liada her. Da i aber ned auf daua mit da gloana Tromme rumrena woid hob i mir an langjahrig´n Wunsch erfüllt und Versuch seit jeatz knapp zwoa Joahr as Bariton zum blosen. Midm Jürgen Z. ham ma a schnei an Trompeter für unsere Musi gfundn und dan ab Mitte Januar vierazwansge mid da erstn Prob in derer Besetzung ogfangt. Auf der weidan Suche nach Musiker san dan nochanand no da Quirin E., und seid Ende vierazwansge, da Helmut K. und da Matthias G. zu uns dazua kemma.

Zurück zur Übersicht