So schaut unser Repertoire aus:

Mia spuin ois, wos uns g'foit. Meistens san de Stückl wirkli für Gitarrn g'schriebn, zum Beispui vom Tobi Reiser oder vom Hartl Gottfried. Es san aba aa amoi Boarische dabei, de eigentlich fia d'Ziach komponiert wordn san, oder Walzer, de sonst hauptsächlich auf da Harfn g'spuit werdn. Wia g'sagt: Es muaß uns g'foin.

Bei diesen Gelegenheiten fühlen wir uns besonders wohl:

Mia spuin auf Musikantenstammtischen und Hoagartn und lassen auf de Volksmusikfeste in Eichstätt, Regen und Geisenfeld wos vo uns hörn. G'fragt san ma bei Advents- und Weihnachtssingen, obwoi mia as ganze Johr üba spuin, net bloß im Winta.

Was wir unserem Publikum schon immer über uns mitteilen wollten:

Es werdn jetzt dann scho 15 Johr werdn, seitdem mir zu dritt spuin. Og'fangt hobn d'Brigitte und da Christian, bevor sie d'Elisabeth no mit aufg'nomma hobn. Obwoi da Christian aus da Holledau wegzogn is, treffa mir uns trotzdem no, wenn's olle nausgeht, olle Wocha zum Essn, Ratschn und - wenn dann no Zeit bleibt - zum Übn. Und wenn's oam amoi net nausgeht, dann is' hoit wieda a Duo, des bei manche Stammtische inzwischen als Gitarrisch Narrisch 2/3 bekannt is.

Zurück zur Übersicht